Қазақстан – жапон адам

Танабата мейрамы

Қазақстан-жапон орталығы мүмкіндігінше көптеген алматылықтарды жапон мәдениетімен таныстыру мақсатында 2011ж.7 шілдесінде “Танабата жұлдыздарының мейрамы” атты орталықта мәдени шара өткізді.
Мейрам жалпы жапон мәдениетіне қызығушылық білдірушілерге арналды. Абэ Наоми ханым өзінің құттықтау сәлемін жолдап,мейрамның жақсы өтуіне өз тілегін білдірді.
Мейрам бағдарламасы бойынша келушілерге жапон биі Ёсакой Бущи және О-Бон биі көрсетіліп,“Танабата сама” әні айтылды.Сонымен қатар аспанға шарлар ұшырылып,орталық алдындағы ағашқа тілек парақшалары ілінді.
Қонақтар оригамиге кезекке тұрып,жұлдыз пішіндерін жасады. Мейрамда денеге жапон иероглифтерін тату түрінде салып,кимоно киіп,естелікке суретке түсу мүмкіндіктері берілді.
Абе ханым мейрамды ашып ғана қоймай,каллиграфия үйірмесін жүргізді.Ол жерде келушілер қазақ,орыс тілдеріндегі есімдерді жапон әріптерімен жаздыртуға мүмкіндік алды. Сонымен қатар жапон журналдары сатылды.Қонақтар тарапынан осындай мәдени шараларды көптеп өткізіліп тұруы туралы ұсыныстар көптеп түсті.